IKASYS

IKASYS Proiektua: ebaluazioaren emaitzak

Ikasys — Mon, 22 Jun 2009 17:12:09 +0000

Azken urte t’ erdian, 16 ikastoletako hainbat gelatan ikasle bakoitzak bere ordenagailuaren bidez egindako lanaren berri emateko, batetik; eta unibertsitatearekin batera jarraitutako ikerketaren datuak plazaratzeko, bestetik, datorren asteartean, ekainaren 23an, prentsaurrekoa egingo da “Ikastolen Etxea”n.

Ondoren, “ Proiektua: EHU-k eginiko ebaluazioaren emaitzak” aurkezpen ekitaldia izango da, eguerdiko 12:00etan. Bertan arituko dira:
    Karlos Santiago, EHU-ko Filosofia eta Hezkuntza Zientzien Fakultateko HIDM saileko kidea.
    Josune Gereka, Ikastolen Elkartearen IKT saileko arduraduna.
    Maite Gomez , Proiektuaren koordinatzaile orokorra.
    Oihan Odriozola, Proiektuaren software eta hardware arduraduna.

Proiektuaren ebaluazioaren inguruan jasotako lehenengo emaitzak aurkeztuko dira ekitaldian.

IKASYS Proiektua ikastoletan.

Ikasys — Mon, 15 Jun 2009 06:16:33 +0000

Proiektua Elgoibarko ikastolan: ikus bideoa.

Ikasys Proiektua EHUko Uda Ikastaroetan

Ikasys — Tue, 02 Jun 2009 15:32:37 +0000

Aurtengo EHUko Uda Ikastaroen XXVIII. edizioa, Ikastaroen Zereginak biltzen duen ideiarekin bat etorriz, prestakuntza zabalerako aukera gisa planteatu da, bizitza osoan zehar garatu beharreko ikaskuntzaren ildotik, etengabe aldatzen ari den mundu honetan desio genukeen etorkizun horretarako ekarpenen bat egin asmoz.

Testuinguru honetan, “Ordenagailu bitarteko ikaskuntza“ ikastaroa antolatu du Donostiako Filosofia eta Hezkuntza Zientzia Fakultateak uztailaren 2 eta 3rako. Antolatzaileen hitzetan, ikastaroak lau helburu nagusi ditu:
    Ikaskuntzarako ordenagailuen posibilitateen inguruan hausnarketa teorikoa egitea.
    Gai honen inguruan orain arte jorratu diren bideek eman dituzten fruituak aztertzea.
    Etorkizunari begira, zein den jarraitu beharreko ibilbidea argitzea.
    Sistemaren nondik norakoak azaltzea eta egiten ari den aplikazioaren ebaluazioa aurkeztea.

Ikastaroan Ikastolen Elkarteko hainbat profesional eta zenbait ikastoletako zuzendariez gain, La Laguna (Santa Cruz de Tenerife) Unibertsitateko Manuel Areak ere parte hartuko du. Informazio gehiago: matrikulazioa, egitaraua.

IKASYS Proiektua: atalen laburpena

Ikasys — Tue, 25 Nov 2008 15:30:29 +0000

martxan ikastoletan	irakasleen prestakuntza

azpiegitura	eduki sakontzea

aplikazioaren garapena

IKASYS: EITBko erreportajea

Ikasys — Thu, 06 Nov 2008 11:52:15 +0000

IKASYS: IKASYS Proiektua EITBn

Ikasys — Tue, 04 Nov 2008 16:30:37 +0000

Datorren ostegunean, azaroaren 6an, EITBko hainbat saiotako gaia izango da Proiektua:

Euskadi Irratiko “Faktoria” saioan, ostegunean, 11:30tan emango dute. Aurrerapena aldiz, “Goiz kronika”n 07:30 tatik aurrera eta Albistegietan ere errepikatuko da erreportaia (beti eguneko albisteen arabera).

Radio Euskadiri dagokionez, “Graffiti”n, 18:00-19:00 bitartean, gizarteko gaien atalean aipatuko da. Eta Albistegietan erreportaje laburra entzuteko aukera egongo da.

Telebistan (ETB), “Gaur Egun” eta “Teleberri”ko eguerdi eta gaueko saioetan emango dute erreportaia.

Interneten, www.eitb.com webguneko atarikoan eta bideo gunean egongo da ikusgai grabaketa.

IKASYS: IKASYS Proiektua Bihotz Gaztea ikastolan

Ikasys — Sun, 02 Nov 2008 17:07:34 +0000

Proiektua Santurtziko Bihotz Gaztea ikastolan:

IKASYS: IKASYS Proiektua Jakintza ikastolan

Ikasys — Sun, 02 Nov 2008 16:52:10 +0000

Proiektua Ordiziako Jakintza ikastolan:

IKASYS: ikastoletako ekipamendua

Ikasys — Wed, 10 Sep 2008 06:48:32 +0000

Urritik aurrera hasiko den Proiektuko esperimentazio fase nagusian Acer Aspire One ekipoak erabiliko dira. Ekipo praktikoak dira, arinak eta txikiak (24 x 17 cm), wifi konexioa dute, 3-7 orduko autonomia eta web nabegaziorako erresoluzioa (1024×600). Bestelako ezaugarri teknikoak:

                          Prozesadora: Intel ATOM
                         Pantailaren tamaina: 8,9″
                         Sistema eragilea: Linux sistema eragilea (Ubuntu)
                         RAM memoria: 512 MB
                         Disko gogorra: 8 GB

Ikasleen ekipoak gordetzeko armairua berezi bat egongo da geletan. Armairua Jordi Sonido enpresak egin du, eskatutako ezaugarrien neurrira. Hauek dira armairuen ezaugarri nagusienak:

        arina eta gurpilduna
        30 apal (3×10) ditu, bakoitzean mini-ordengailu bat sartzeko
        goikaldean 2 apal handiago ditu, routerra eta abar jarri ahal izateko
        atzealdean kableatu guztia egiteko lekua du
        armairutik bi kable ateratzen dira:
            - argindarraren kablea: mini-ordenagailu guztien bateriak kargatu ahal izateko.
            - sareko kablea: routerra sarera konektatu ahal izateko.
        Tamaina:
            - altuera: 120 cm
            - zabalera: 80 cm
            - sakonera: 56 cm

IKASYS: aurkezpen bideoa

Ikasys — Tue, 02 Sep 2008 06:23:13 +0000

Proiektuaren aurkezpen bideoa Oiartzungo Haurtzaro ikastolan grabatu zen, 2008ko maiatzean.